काँचहि बाँस के बहँगिया, बहँगी लचकत जाय,
छठी मइया के घाटे, भीड़वा उमड़ल जाय।
उगिहें सुरुज देव, अरघिया के बेरिया,
पूरन होखीं मइया, सभे मन के अरजिया।
नदिया के तीरे-तीरे, सजल बा घाट हो,
दियरी के जोतिया से, चमकेला रात हो।
सूपवा में ठेकुआ, फलवा सजवनी हो,
नेम-धरम से मइया, बरतिया कइनी हो।
माथे पर दउरा लेके, चलेली बहिनिया,
गूँजे छठी मइया के, मधुर-मधुर रागिनिया।
निर्जल उपासे रहली, अँखिया में आस हो,
लवटि आवे अँगना में, सुख-समृद्धि के बास हो।
पहिले अरघ साँझ के, भोर में फेर देब,
सूरुज देव के किरिनिया, अँजोरिया भर देब।
संतान के सुख दीं, परिवार में नेह हो,
मइया के किरिपा से, हरियर रहे गेह हो।
गाँव-गाँव गूँजे आज, छठी मइया के गान,
भेदभाव भुला के, जोड़े सबके प्राण।
धरती पर बरसे मइया, किरिपा के फुहार,
सुख-शांति से भरल रहे, सबके संसार।
— अनीता सिद्धि
पटना, बिहार